El 22 de Xineru d'esti añu sedremos espectaores d'una muestra de patriotismu español col xuzgáu a dos mozos asturianos por "ultraxe a España", quicir, faer una pintada; como siempres patético. Pa sofitar a estos dos lluchaores de la llibertá puedes acudir a un conciertu n'Uviéu nel que tocarán Gomeru, Fala non caduca ya Insert Koin. Sedrá en "La calleja la ciega" el 19 Xineru de 2008 a les 18 hores, pol preciu de 4 €. Tamién habrá una concentración delantre los Xulgaos d’Uviéu (Cai Comandante Caballero Nu.3) el 22 de Xineru a les 10:15 hores, habeis de tar puntuales. Si quereis da-yos sofitu económicu equí teneis una cuenta de solidaridá: 2048 0000 23 0340142034

Noticia de Glayíu:

El 21 d’Agostu de 2005, alrodiu les 2 de la nueche, un grupu de cuatro mozos independentistes foron identificaos pola Policía Nacional d’Uviéu, tres facer supuestamente unes pintaes na Facultá de Xeoloxía. Dos de los mozos, menores d’edá y ensin identificación, foron llevaos a la Comisaría Xeneral d’onde foron puestos en llibertá a les 2 hores.

Dempués d’un mes ensin saber ná, los menores foron llamaos a declarar antre la Policía, xunto colos otros dos mozos. Se-yos acusaba "d’ultraxe a España", "apoloxía’l terrorismu" y daños. Los dos menores d’edá foron condergaos a una multa de 103 € y delles hores de serviciu a la comunidá. Los otros dos xóvenes, tres pasar pela declaración antre’l Xulgáu d’Istrucción númberu 3, quedaron a la espera xuiciu acusaos d’un delitu d’ultraxe a España y daños.

¡Esto ye democracia y non eso que pidimos los d'izquierdes!