Articulu d'un miembru del Frenti Estudiantil a Glayíu (na seición d'analís):

LA NECESIDÁ D'UN NUEVU MOVIMIENTU ESTUDIANTIL
¿Que bien-y fai al estudiantáu asturianu tar defendíu solo pol Sindicatu d'Estudiantes? ¿Por qué nun puede tar representáu por un grupu que muestre con argullu l'asturina y que fale la llingua nacional? Recibimos ya abondes crítiques de ser cuatro mataos, pero nos a esos queremos entruga-yos, ¿de quién ye la culpa? Pues de que xente que sofita la meyora de la situación del estudiantáu asturianu pero qu'o bien prefier xunise al SE o dexase en segundu planu.
Otros falen de que nun somos oficiales, ¿sedríenlo ellos siendo un puñáu escasu? Perdona-yme que lo dulde. ¿Cual ye la forma de que'l Frenti Estudiantil se faga oficial? Algamando miembros y dexando de ser motivu de risión nel "mundiu" nel que se mueve.

¿Qué ye’l Frenti Estudiantil? Pues la forma de qu'un movimientu estudiantil faga qu'Asturies, la sua llingua ya cultura, seyen oyíes poles sordes oreyes del sistema españolista que sofrimos n'Asturies. Ye la forma de que se dé un pasu más hacia la democratización de los centros d'estudiu y hacia la elliminación de la organización (cuasi paramilitar) de dalgunos grupos d'estudiantes facistes que se creen que son los xefes dense cuenta de qu'esto ye Asturies y que nesti país tolérasete ainda seas prietu u homosexual.